الأحد، 9 يوليو 2017

في بيتنا سمكة البـآآرت الثالث

في بيتنا سمكة البـآآرت الثالث(الجزء الاول)
By..#Omnya _Onesh

امنية (بعد ماقلبت سمكة) : يا ترا مشي؟
دونجهي في العرابية فرمل فجأة : تاني ؟؟؟؟؟؟
امنية : ايييييه !!!!!
دونجهي وامنية : لااااااااااااااااااااااااااااااااااااااا
دونجهي : انتي سمعاني؟
امنية بتوتر : ايوة هو ايه اللي بيحصلنا



دونجهي بعصبية : اسألي نفسك عملتي فيا ايه
امنية : حرام عليك كفاية ظلم بقا قولتلك معرفش ليه ده بيحصل
دونجهي لف بالعرابية ورجع للشط ونزل المية بهدومه
دونجهي ×_× : اخرجيلي مش شايف حاجة
امنية : لا مش هتاخدني ف بيت المجانين تاني
دونجهي : لازم نتنيل نفكر ف سبب اللي احنا فيه انا هاخدك ونروح لحد من بتوع السحر
امنية : انا تحت رجلك
دونجهي اتكسف : يا ستي مش للدرجادي كنتي تقولي تحت امرك احسن
امنية : يا غبي انا بعوم تحت رجلك
دونجهي وطى بالكيس اللي معاه واخدها
امنية : ايه ده اسوود
دونجهي : اللي لقيته ف العرابية
رجع بيها البيت واشترالها حوض جديد اكبر
واول مادخل البيت قابل انهيوك
انهيوك : قولي يا حليوة ايه اللي ف الكيس الاسود ددددده
دونجهي -_- : فكرك ايه اللي هيعوم في الحوض اللي انا شايله ده؟
انهيوك : كائن حي
دونجهي شاطه رجله : روح كلم امك بتنده
انهيوك : حاضر يا غالية جايلك

دخل دونجهي ملا الحوض مية وحط  فيه السمكة وبعدين حط الحوض ف اوضته
امنية : متسيبني عند شيوون ربنا يكرمك
دونجهي : اتلمي بقااااااا

ليتوك داخل اوضته لقا دونجهي بيكلم السمكة اللي المفروض ان حوضها اتكسر وماتت امبارح
 ليتوك شهق : ايييييييه ده هي البتاعة دي مبتموتش !!!
دونجهي :D : بتاعة ايه يا هيونج؟
امنية : ايوة ياخويا اعمل اهبل
دونجهي خبط بايده على ازاز الحوض من تحت لتحت
ليتوك زقه وبص في الحوض : اه والنبي هي (غطس ايده في المية) وبتتحرك اهي
امنية قربت من ايد ليتوك : اممواه
دونجهي ×_× : انتي بتبوسي ايد والدتك؟؟
ليتوك *_* : الحقنة يا شيووون
شيوون داخل بالحقنة : جاهز يا ريس
ليتوك O_o : انت كنت قاعد ورا الباب؟
شيوون :D : تحت امرك يا بوس
 دونجهي : طب بوس راسه وخده من هنا شكل اعصابه تعبانة
ليتوك ×_× : انا برضو يا ابو سمكة
دونجهي بيغير الموضوع -_- : هنتعشا ولا هنام خفيف؟
شيوون وهو عينه عالسمكة ومبحلق : ها؟ لا عمتك ريو بتعمل الاكل – هو سمكتك ماتت روحت جبت اختها؟
امنية : الحلو ميكملش يعني موز بس غبي
دونجهي مسك بطنه وقعد يضحححححك
شيوون O_o ,
ليتوك :( : اه يا ميلة بختي يانا  ,
دونجهي : برة يا هيونج وخد العمود ده ف ايدك لو سمحت

دونجهي جاب لمبة سهاري جمب الحوض ونورها
امنية : حبيتها دي انا بكره الضلمة
دونجهي : عارف
امنية : اه نسيت ان كل كلمة بقولها بتسمعها – انت مدمر للخصوصية
دونجهي : وانتي مدمرة للاعصاب امسكي (حط ورق خص متقطع حتت صغننة)
امنية : وااااو انت بقيت حونين اوي
دونجهي : انتي اللي مثيرة للشفقة حقيقي مش بجاملك
امنية : ماشي مقبولة منك يا ذوق – هتجيب منين عنوان لحد بتاع سحر
دونجهي : جاهلة اومال النت اخترعوه ليه
ليتوك داخل وهو رابط راسه : يابني الله لا يسيئك ارحم ابوك التعبان وسيبه ينام ساعة من غير ميصحا على صوتك وانت بترغي مع السمك
دونجهي (بيضحك من تحت لتحت)
امنية : يا حرااااام شوفو جمال ليدرنا 24 ساعة يندب مفيش راحة؟
دونجهي وهو بيتصفح النت : شششش
ليتوك رزع كفه على بؤه : اهة اهة ياخويا قفلته واتخرست
دونجهي شوحله : ياعم بقااااا انت قاعد تلقط الكلام وخلاص
بعد مدونجهي لقا عنوان واحدة بتاعة الخزعبلات دي قريبة من المنطقة كتب العنوان ونام ,

وفي صباح اليوم التالي ...... ورونــى جمـآآل تعلقياتكم =D عشــآآن اقولكـم حصل ايه فى اليوم التانى وكمان اكتبو اكتر حاجه عجبتكــم :*
في بيتنا سمكة البـآآرت الثالث(الجزء الثانى)
By..#Omnya _Onesh

وفي صباح اليوم التالي <<
امنية : ياختي كميلة عين امه يا ناس – ياختي كميلة شبه النسناس
دونجهي والمخدة على وشه : عايز ايه عالصبح
انهيوك اندهش : انت عرفت منين اني هنا
دونجهي : طالما نسناس يبقا انت
انهيوك : ها؟ O_o
دونجهي وهو بيشيل المخدة : اخلص عايز ايه
انهيوك : فسحني ياخويا انا زهقان
دونجهي رفصه برجله : اجري ياض من هنا – اخر مرة فسحتك اخدتك البحر ولبست اكبر مصيبة ف حياتي
امنية : مصيبة تاخدك
دونجهي : تاخدك انتي
انهيوك : تاخدني فين يا عنيا؟
دونجهي رزع المخدة على وشه : ياااااااارب
شيوون داخل : حبيب مامي بيجعر ليه
امنية : دنت اللي حبيب مامي ايوة بقا هو ده الصباح المثالي
دونجهي وهو حاطط المخدة على وشه : هو قلع تاني!!
امنية : سيب الواد ياخد حريته ياباي عليك
دونجهي قام جاب فوطة وحطها على ازاز الحوض
امنية عمالة تعوم بتحاول تشوف : يا رخم شيلهاااااا
دونجهي : اجري ياض استر نفسك
شيوون : ميش عااايز
دونجهي : طب غور من هنا بقا (رزعه بمخدة)
انهيوك O_o : انت بتخاف على مشاعر السمكة؟ غطيت الحوض وقولت لشيوون يلبس؟
دونجهي بيبرطم : اول مرة يبقا مركز ف حاجة ف حياته
امنية : عندك حق انا كبهير انبهرت
دونجهي : انا عندي مشوار كده هستقضاه وابقا اجي اخدك افسحك – قشطة؟
امنية : استقضاه وقشطة؟ انت قفلتني
انهيوك : جبنة :D
دونجهي -_- : اطلع برة
انهيوك دلدل راسه وخرج وقفل الباب وراه

دونجهي وقف قدام دولابه يغير التشيرت , امنية عامت يضهر الحوض وكأنها بتبعد عنيها عنه
دونجهي باستغراب : يا سلاااااااام !!! اومال اشمعنا شيوون بتبصبصيله
امنية : احم اخلص بلاش كلام فاضي
دونجهي : دنتي عجيبة
امنية : وانت العجمي :P
دونجهي -_- : مفهمتش
امنية : على اساس ان فيه شاطيء عجيبة احم خلاص انسا هي كانت بايخة فعلا
دونجهي حاول ميضحكش ,
شال السمكة ف كيس شفاف وخرج من اوضته

ليتوك : رايح بيها فين يا اخرة صبري
 امنية : يا ناااااااسو فيه كيوت كده !!!
دونجهي -_- : كل الناس عندك حلوة ماعدا انا
ليتوك : ازاي تقول كده يا قلبي دنت ابني الغالي حلو الحلوين
دونجهي : لولولووولي ازغرط ؟؟؟ حرام عليك يا هيونج بقا اعتقني
دونجهي نزل بالسمكة وراح للعنوان بتاع الست اللي بتعمل خزعبلات
واما وصل دخل وف ايده كيس السمكة
شخص : اؤمر
دونجهي : انا جاي استشارة
الشخص : عادي ولا مستعجل
امنية : ايه الكائن اللزج ده
دونجهي : مستعجل ياسيدي خلصني بقا
الشخص : طب اتفضل اقعد مدام سلطانة على وصول
دونجهي قعد وكان فيه ناس كتير قاعدة
امنية : يااه كل دول عندهم مشاكل
دونجهي : ياختي خليكي ف نفسك
وبعد ربع ساعة
الشخص : وصلللللت صاحبة الطلعة البهية – حلالة العقد الابية – الست سلطااااانة بنت الست نجيييية
امنية : خليها تددددخل يا ابن الغبييييية
دونجهي : هههههههههههههههههه
الست سلطانة بصت لدونجهي اوي : جميييل
امنية نقرت الكيس كأنها عايزة تروح تضرب الست : جميل في عينك
الست سلطانة بصت للسمكة اوي : اهدي انا بس بقول اللي شيفاه
امنية اتجمدت ف مكانها ودونجهي برأ , الست سلطانة سابتهم مصدومين ودخلت مكتبها
 دونجهي اتلقح عالكرسي : دي سمعتك
امنية : اوبا يلا نمشي شكلها مرعبة
دونجهي : استحالة دنا ماصدقت لقيتها
وبعد شوية ~ الشخص : الكابتن ابو سمكة – اتفضل
دونجهي بصله  وراح داخل
الست سلطانة قاعدة وقدامها بلورة – شاورتله يقعد قدامها
امنية : قديمة مووووت
الست سلطانة : وانتي جريئة موت
امنية : ا ا انتي سمعاني ؟؟
الست سلطانة بصت لدونجهي اوي : مش انا لوحدي اللي سمعاكي
دونجهي كان هيوقع الكيس من ايده من الصدمة : ازاي !!!
الست سلطانة : انت فعلا جاي عشان تفك الوصلة اللي بينكو؟
دونجهي اتوتر : ا اه طبعا ومين هيعوز يتصرف زي المجانين
الست سلطانة : طلبك عندي بس لازم تكون انت متأكد – لو فكيت الوصلة دي ممكن متشوفهاش تاني
امنية : لو سمحتي ممكن تفهمينا هو ليه حصل بينا كده
الست سلطانة : ده اللي مقدرش اجاوبك عليه – ممكن نقول ان انتو اخترتو بعض
امنية بتوتر : لالالالالا احنا اصلا مبنطيقش بعض
دونجهي : احم ايوة فعلا
الست سلطانة : اممم مسكينة شكلك هتفضلي محبوسة كده كتير
امنية : متقدريش تشوفي حل لوضعي ده
الست سلطانة : فيه حل واحد
امنية : ارجوكي دليني عليه
الست سلطانة قربت وشها من الكيس وبصت للسمكة اوي : موتي !!!!!!!

تــآآآآبعـــو الجــزء الثالث والاخيــر من البـآآرت الثالث
في بيتنا سمكة البـآآرت الثالث(الجزء الثالث والاخير)
By..#Omnya _Onesh

امنية : متقدريش تشوفي حل لوضعي ده
الست سلطانة : فيه حل واحد
امنية : ارجوكي دليني عليه
الست سلطانة قربت وشها من الكيس وبصت للسمكة اوي : موتي !
دونجهي اتخض وحضن الكيس : انتي بتقولي ايه!!!
امنية اترعبت وبقت بتعوم زي المجنونة بعد مسمعت الكلمة دي
امنية : خرجني من هنا
دونجهي بص للكيس وبعدين بص للست بغضب وقام مشي

كان ماشي بخطوة بطيئة وهو بيفكر في اللي حصل ,
دونجهي : انا آسـ
امنية : متقولش حاجة – انا عايزة ارجع البحر
دونجهي مردش عليها
امنية : سامعني؟ بقولك رجعني البحر
دونجهي فضل ماشي لحد موصل البيت ودلقها في الحوض وخرج وقفل الباب وراه
امنية : انت اناني حابسني عشان مصلحتك ومش مهم انا عايزة ايه – يلا ايه تاني هيحصلي حياتي بتسوء يوم بعد يوم – اظاهر ان الموت هو الحل فعلا
دونجهي كان ماشي في الشقة وهو سادد ودنه زي المجنون
شيوون : احم
دونجهي حس بنفسه وقعد بهدوء مصطنع
شيوون : مش هتحكي لأخوك ايه اللي مجننك قصدي ايه اللي شاغلك؟

دونجهي : مفيش حاجة خليك في المذاكرة بتاعتك
شيوون : المذاكرة تتأجل – فضفض يلا
دونجهي : اوف بقا على جو بنت خالتي ده
شيوون : خلاص عنك ما حكيت
انهيوك خارج من اوضته منشكح : يلا ياخويا انا جاهز قوم فسحني
دونجهي : مليش مزاج أجلها
امنية : انت وعدته
دونجهي : متتدخليش
انهيوك اتنهد بحزن وراح يرجع اوضته
دونجهي : قول لهيونج اننا خارجين
انهيوك :D : قولتله من الصبح
دونجهي : طب يلا
خرجو وراحو الملاهي , انهيوك انبسط ودونجهي كان بيضحك بس مش منه قلبه , كمان كان مستغرب ان ساعات عمالة تعدي وهو مش سامع صوتها , اتصل بشيوون ,
شيوون : يا نعم
دونجهي : خش بص عالسمكة
شيوون دخل وبص ف الحوض : هي راقدة كده ليه
دونجهي اتفزع : راقدة يعني ايه راقدة ؟
امنية : بطل تزعجني
دونجهي اتنهد : خلاص سيبها واخرج
شيوون : انت اهبل ياض؟
دونجهي قفل ف وشه , وبعدها كلم نفسه : هتفضلي كده يعني
امنية مردتش عليه
دونجهي : عامة انا مش بعمل فيكي حاجة وحشة عالاقل بحافظ عليكي من البحر وبلاويه المفروض تشكريني
انهيوك : يلااااااااا الديسكوفري فتحت
دونجهي نفخ : اوووف جاي

وبعد مخلصو فسحتهم رجعو البيت , دخل اوضته لقاها مركونة ف جانب من جوانب الحوض ومش بتتحرك
نقر على الازاز راحت رايحة ناحية تانية
دونجهي : تحبي اوديكي اوضة شيوون ؟
مردتش عليه
دونجهي بعصبية : براحتك بقا انا مش عارف بتحايل عليكي ليه اصلا
ريووك : العشا يا دوني
دونجهي ×_× : مش عايز طفح
امنية : متزعقلوش كده
دونجهي ×_× : خلاص بقا قلبك عليهم اكتر مني !!!
ريووك دمع : اسف يا هيونج هغطي اكلك كل وقت متحب
دونجهي : استنا يا ريو انا جاي
ريووك مسح عنيه وابتسم : ماشي

وقت النوم << ليتوك كان عنده اجتماع وهيبات برة
دونجهي قفل الباب وطفا النور وممدد على سريره (صممممت)
دونجهي نام على جنبه وهو باصص للحوض : متضايقة من اللي قالته الست دي؟
امنية : يهمك اوي تعرف
دونجهي انبسط انها ردت عليه بس مبينش : اه يهمني
امنية : مش متضايقة بالعكس مرتاحة
دونجهي : ازاي
امنية : تقدر تقول كنت محتارة ودلوقتي لأ
دونجهي اتنهد : بكرة نروح لحد تاني
امنية مردتش عليه , دونجهي فضل باصصلها بحزن لحد منام

وفي صباح تاني يوم
دونجهي قام من النوم على صوت ليتوك
ليتوك : يلا ياخويا الناس بتتغدا وانت لسة مفطرتش
دونجهي قام وبص عالحوض ملقاهوش اتنفض من مكان : فين الحووووض
شيوون : ييسونج زهق من السلحفة بتاعته خد سمكتك يمكن تسليه
دونجهي O_o : تسليه !!! هو فين البنيآدم ده
امنية : ههههههههه
دونجهي ×_× : هو فيييين
انهيوك -_- : انت عامل فيلم ليه منت عارف انه متلقح ف اوضته
دونجهي اقتحم الباب ولقا ييسونج قاعد عالارض والحوض جمبه وفاتح اللاب وبيقول للسمكة طب دي ولا دي؟ تروح السمكة رايحة يمين او شمال
دونجهي -_- : انت بتلعب مع سمكة غيرك ليه ؟؟
امنية : اوف (نزلت استخبت ف الرمل)
ييسونج : عجبك كده خضتها
دونجهي : اخلص خدتها ليه
ييسونج بوبي فيس : كنت زهقان وقولت العب معاها شوية
دونجهي ×_× : اخرررررررس يا سافل
ييسونج -_- : عندها حق تكرهك من ساعة مدخلت وهي دافنة نفسها ف الرمل (نقر بايده عالازاز) اطلعي يا كوكي عمو ييسونج هنا مش هيخلي الشرير ده يضايقك
امنية طلعت جري ولزقت ف الازاز مكان ما ييسونج حاطط ايده
دونجهي O_O ,                          
ييسونج ^_^ : يلا ركزي عشان السؤال الجاي صعب
جابلها في اللاب توب صورته عاليمين وصورة دونجهي عالشمال
ييسونج : ها اختاري يلا
السمكة جريت ناحية اليمين
ييسونج صقف : هييييييييييه
دونجهي ×_× : لا دي زادت اوي – هات البتاعة دي وحسك عينك تاخدها من اوضتي تاني (شال الحوض ورجعه اوضته)
امنية : ييسونج اوبااااا
دونجهي : اوبا ف عينك
ليتوك : انت يا ولد انا ساكت عليك بقالي كتير لكن انت زودتها – السمكة يا تترمي يا اما تتساب في الصالون – هي وصلت هتعمل مشاكل مع اخواتك عشانها ×_×
دونجهي -_- : بس دي بتاعتي
ليتوك : هس ولا كلمة – هيوك قالي انك اصطدتها من البحر ماشتريتهاش بفلوسك يعني – يبقا هي املاك عامة
دونجهي : يا هيونج الكلام اللي بتقوله ده عيب
ليتوك رفع ايده ف وش دونجهي , افتكروه هيضربه راح كله شاهق
ليتوك نفض كتف دونجهي : يلا حبيب الهيونج حط الحوض عالطرابيزة هنا :D
دونجهي -_- : حاضر

(حط الحوض على طرابيزة الصالة وبكده بقت السمكة املاك عامة)

ليست هناك تعليقات:

إرسال تعليق

طريقة التحميل من المدونة

طريقة تحميل ملفات pdf من media fire والمدونة