الأحد، 9 يوليو 2017

فــى بيتنـآ سمكـه (البـآرت الرابع) الجــزء الاول

By. #Omnya Onesh

ومــن بعد مابقت #أمنيه آمــلآك عاامه فى شقه السـوجو...

قررت امنية تستمتع بالايام اللي باقيالها لحد متتحول لبنيآدمة على اد متقدر وتبطل تفكر كتير , السوجو حسو بنشاط السمكة لدرجة انهم بقو يصحو يصبحو عليها وهي كمان بتفضل تتشقلب وتعملهم عرض ف قلب المية
دونجهي كان هيتجنن عشان هي بتتجاهله وكل ميقرب من الحوض تستخبا , واما بيكلمها مبتردش
انهاردة رابع يوم من الخمس ايام , في صباح هذا اليوم <<
دونجهي صحي وبص للسمك : جعانة؟
امنية : ريووك اوبا بيحطلي اكل
دونجهي بصلها بغيظ : ريووك اوبا؟ طب ياختي خليه ينفعك
ريووك خارج من المطبخ : صباح الخير يا هيونج متقلقش على توتي بحطلها اكل على طول

دونجهي -_- : توتي؟ مسمهاش توتي ياخويا اسمها (هرش ف شعره) اسمها (اتحرج وبص للسمكة)
امنية : انت هتصاحبني؟
دونجهي ×_× : اسمها اللي ما تتسما
ريووك ضحك : حرام عليك شكلها بنوتة توتي لايق عليها
كيو خارج بكتابين : لولو اقرا انهي انهاردة؟ (حطهم قدام الحوض)
السمكة عامت ناحية الشمال

 كيو : امممم قشطة
دونجهي O_o : انتو اتهبلتو خلاص !!!
شيوون خارج من اوضته : كوكي انهي كرافتة احلى عالقميص؟ (حطهم قدام الحوض)
السمكة عامت لليمين
شيوون : تسلملي زعانفك ^_^
دونجهي شد شعره : عاااااااااا توتي ولولو وكوكي !!! ده بقا رسمي -  وراس عمتي منتي قاعدة فيها ليلة زيادة (شال الحوض ورايح يمشي)
ليتوك طالع من الحمام : وللللد بتجعر ليه عالصبح سيب الحوض بدل مأغطسك فيه
دونجهي اتنطط زي العيال المتعصبة : هيووووونج انت بقيت تعاملني معاملة العبيد كده ليه
ليتوك : اخرس – مهو دلعي فيك وتربيتي الواطية هو اللي خلاك كده – من هنا ورايح هتشوف الوش التاني
انهيوك : ههههههههه على اساس ان هيونج شريط كاسيت بوشين
ليتوك -_- ,
انهيوك :D : احم فين الاكل يا ريو يا حبيبي
وعدت الساعات وجيه وقت الغدا , حطوا الاكل عالسفرة وقعدو ياكلو
ولسة هيقولو بسم الله , الباب خبط
ليتوك : قوم يا واد افتح الباب
انهيوك : ايشمعنا انا ياعم معندك 6 رووس غيري
سونجمين رزع المعلقة عالسفرة : اقوم انا يعني !!!
انهيوك اتفزع ونط من مكانه : لا يا هيونج ما عاش اللي يقومك من عاللقمة انا هفتح الباب
انهيوك وهو ماشي بيبرطم : الخدامة الفليبينية بتاعة اهاليكو انا
فتح الباب وبعدين شهق ,
انهيوك : لا متقولش يخربيتك يا واد ايه المفجأة دي
ليتوك -_- : ميييين يا بغل !!!

لـــو عــآآيزين تعرفو مين اللى هيــوكى اتهزء قدآمه ههههههههههههههههههه تــآآبعونى.....
فــى بيتنـآ سمكـه (البـآرت الرابع) الجــزء الثانى

By. #Omnya Onesh

 انهيوك وهو ماشي بيبرطم : الخدامة الفليبينية بتاعة اهاليكو انا
فتح الباب وبعدين شهق ,
انهيوك : لا متقولش يخربيتك يا واد ايه المفجأة دي
ليتوك -_- : ميييين يا بغل !!!
انهيوك وشه احمر من الكسفة : احم احم متاخدش ف بالك هيونج بيدلعني
مينهو ضحك : اه طبعا واضح (دخل)
دونجهي قام بابتسامة ترحيب : مينووو تعالا حماتك بتحبك
مينهو : ألف هنا للهيونجز وحشتوني قولت افوت عليكو
ريووك : اقعد هجيبلك طبق
امنية اتجننت اما شافته لدرجة انها نطت اتشقلبت في الهوا ونزلت في المية تاني (اه الحوض ملوش سقف :P)
مينهو اتخض وبص للحوض : واااااه ايه ده جبتوه امتة
امنية وهي بترقص في المية : رينج دينج دونج دينج دينج دونج دينج
دونجهي اما سمعها بتغني وبتتشقلب الاكل وقف ف زوره وقعد يكح
مينهو قرب من الحوض بابتسامتة الساحرة : كيوبتاااااااااا
امنية لزقت في الازاز : وربنا انت اللي كيوبتا انت واهلك نفر نفر
دونجهي رما المعلقة وجري وقف قدام الحوض بضهره , وادا وشه لمينهو
مينهو O_o : ايه يا هيونج فاكرني هحسد؟
دونجهي : احم لا مش كده بس هي مش متعودة عالناس الجديدة
انهيوك : غريبة مع انها اول مرة تعمل شقلباظ في الهوا اما مينهو دخل
دونجهي ×_× : اخرس انت
امنية  وهي بتهز ديلها : سو فانتاستك فانتاستك فانتاستك فانتاستك
دونجهي ×_× : اخرسي بقاااااااا
ليتوك : الحقنة يا شيوووون
 شيوون شوحله : سيبني اطفح بقا
ليتوك *_* : يا خسارة تربيتي فيكو بتكسرو كلمتي قدام العيل الصغير؟
مينهو : لا يا هيونج اعتبرني مش موجود
امنية : اه يا قللللبي عالذوق – ابوووووسه
دونجهي بعد ماكان قعد يكمل اكل اول ما سمعها بتقول ابوسه راح شارق وتفتف الاكل اللي ف بؤه ف وش سونجمين

سونجمين >_< : انننننت عمممملت ايييييييييييييه
دونجهي O_O : انا بص انا بص
انهيوك رقع بكفه على خده : انا بص اييييييه اجري وانفد بجلدك
دونجهي فضل باصص لسونجمين بخوف وبعد ثانيتين قام جري على اوضته وقفل عليه بالمفتاح
سونجمين قلب الطرابيزة بالاكل اللي عليها وكان عامل زي Hulk اما بييجي يتحول
ليتوك وشيوون وييسونج وشيندونج وريووك كان بيحاولو يمسكو ف سونجمين عشان ميروحش يكسر الاوضة على دونجهي
انهيوك قعد تحت الطرابيزة بعد مأخد طبقه قبل ماسونجمين يقلب السفرة وقعد ياكل زي الفار -_-
وفي هذه الاثناء وعلى جانب تاني خالص كان مينهو دخل المطبخ عمله كوباية نسكافيه بالفانيليا وجاب كرسي وقعد قدام حوض السمكة اللي لفتت نظره بعد الشقلبات اللي عملتهاله
دونجهي : سونجمين هدي ولا لسة؟
امنية : مقدرش اقول اه ومقدرش اقول لأ اصل هدي دي وصف لبنيآدم واللي انا شيفاه حاليا تنين مجنح
دونجهي بيلطم في اوضته ورا الباب : يا لهوي يا لهوي انتي السبب ف كل ده
امنية : حياتي اصبر اما يبرد
دونجهي O_o : ها؟
امنية : مش انت انا بكلم مينهو اوبا بيشرب النسكافيه سخن وخايفة يتلسع
دونجهي شاط الباب برجله وجعته وقعد يتنطط على رجل واحدة : دنا اللي هطلع ألسوعك دلوقتي – مش فاهم عاجبك في ايه
امنية وهي متنحة لمينهو : هييييييييح كنت كل مشوفه في التلفزيون تيجي ف بالي الاغنية دي << لو حد مفيهوش غلطة - الحد ده هو انت -وازاي بجد انا افكر اشبه حد من الناس بيك - عشان انت بالنسبالي - حاجة صعب تيجي ف بالي - وانا لو سرحت لفين بخيالي مكنتش هوصل ليك
دونجهي فتح باب الاوضة وخرج وهو بيطلع دخان من ودانه شال الحوض ودخل اوضته وقفل الباب
سونجمين لسة شايط ×_× : شاااااااايف يا هيونج بعد متف ف وشي خرج اخد سمكته بكل برود
ليتوك : معلش ياخويا امسحها فيا والنبي انت عارفه شاب وطايش
انهيوك طلع من تحت الطرابيزة : هيونج هيونج
ليتوك : عايز ايه من الزفت
انهيوك : طبق المخلل قدامك؟
ليتوك شاطه برجله
انهيوك وهو حاطط ايده على جنبه مطرح ما ليتوك شاطه : تسلم انا كده شبعت
مينهو بعد ماشرب النسكافيه قام يمشي : طب تؤمروني بحاجة انا؟
شيوون : قول بقا انك جاي تشرب نسكافيه وتمشي -_-
مينهو : مهو لو مكنش ريووك خلص نسكافيه الفانيليا من اولاد رجب مكنتش جيت اشربه عندكو
ليتوك رما سونجمين بعد ما كان ماسك فيه وراح جاب مينهو من قفاه
ليتوك : بتستغفلنا ياض !!! (بتريأة) كنت معدي قولت افوت اسلم عالهيونجز – شايفنا مختومين على قفانا؟ ×_×
مينهو استخدم سلاحه الذري (الكيوووت) : هيونجي زعلان مني ؟
ليتوك بربش وبعدين سابه : احم خش يا ريووك جيبله كيسين نسكافيه فانيليا
ريووك *_* : حاضر

وف اوضة دونجهي
دونجهي حط الحوض في الارض وقعد قدامه ووشه عليه غضب ربنا
امنية : يامي يامي يامي خاف يا عيد
دونجهي : بتتريأي كمان؟؟؟ انا عايز افهم انتي بتعملي معايا كده ليه – آيدلك صوابعي العشرة شمع ومش عاجبك – مفيش ايدول يخش بيتنا غير وتعاكسيه وبتيجي قدامي تطلع طولة اللسان والوش العكر
امنية : بزمتك؟ وش عكر؟ على اساس ان وشي وانا سمكة بيتغير يعنى حتى مش عارف تتكلم
دونجهي اتعصب وغطس ايده في الحوض مسك ديل السمكة تقريبا كان هيرجها كنوع من التعذيب
امنية صرخت : شيل ايدك يا حيوان
دونجهي اتفزع وشال ايده : احم هو الديل ده المفروض انهي جزء فيكي
امنية : مناخيري
دونجهي حط ايده على قلبه : يا شيخة فزعتيني
امنية ضحكت اوي , دونجهي قرب وشه من الحوض وابتسم بسعادة
دونجهي : اخيرا ضحكتيلي
امنية : احم متمثلش
دونجهي : بكرة اخر يوم قبل متتحولي
امنية : اممـ
دونجهي : مش عايزين نحتاس زي المرة اللي فاتت – انا هاخدك بكرة بالليل ونروح البحر
امنية فضلت بصاله ومردتش كان من جواها بتتقطع

وفي صباح اليوم الخامس .....

تــآآبعو عشــآآن تعرفو :*

فــى بيتنـآ سمكـه (البـآرت الرابع) الجــزء الثـآلت
By. #Omnya Onesh

وفي صباح اليوم الخامس <<
دونجهي جاهز للخروج : يلا؟
امنية : يلا فين؟
دونجهي : هقولك ف السكة (جاب كيس شفاف واخد السمكة فيه)
خرج من اوضته شايل السمكة : هيونج انا خارج
ليتوك بيشرب قهوته : على فين
دونجهي : عادي هتمشا
انهيوك نط ف قفاه : خدني معاك والنبي
دونجهي : لا عايز اخرج لوحدي
انهيوك لوى بوزه وراح لزق في دراع ليتوك وقعد يشد كمه
انهيوك : هيووونج قوله ياخدني بقا
ليتوك وهو بيحاول يحرر دراعه : وليه ياخدك يا قلب الهيونج ما ربنا موجود
شيوون خارج من غير تشيرت وبيهرش ف شعره : تعالا يا حبيبي انا هلبس واوديك الـ زو
دونجهي خبا الكيس في الجاكت عشان السمكة متشوفش شيوون
انهيوك انشكح : لا ياخويا عايز اروح جونينة الحيوانات
شيوون : منا بقولك هوديك الـ زو (zoo)
انهيوك : طب منروح جونينة الحيوانات الاول وبعدين نروح الزو زي منت عايز
شيوون : والمصحف ما رادد
دونجهي فطسان على نفسه من الضحك لدرجة ان الكيس كان هيقع من ايده
شيوون شاف السمكة : ايه ده واخد كوكي على فين
امنية : هتوحشني يا اوبا
دونجهي ×_× : وحش يلهفك
شيوون : ابو اللي يتكلم معاكو جوز معاتيه
وفي الشارع ,, دونجهي : هتوحشني يا اوبا ؟؟ ليه ياختي مهو متلقح قدامك طول منتي سمكة
امنية اتنهدت بحزن ومردتش
دونجهي : مالك كئيبة كده ده انهاردة المفروض تبقي متحمسة انك هتتحولي
امنية : رايحين فين؟
دونجهي دخل سوبر ماركت وحط سماعة البلوتوث في ودنه
دونجهي : انا طبعا هعمل بتكلم في التليفون عشان لو الناس شافوني بكلم سمكة احتمال والله اعلم يفتكروني مجنون
امنية : ناصح
دونجهي : تحبي تاكلي ايه
امنية اتصدمت : ليه بتسأل
دونجهي : حبيت اعوضلك اليوم اللي اتحولتي فيه ومعرفتيش تستغلي وقتك – انهاردة هشتري كل اللي انتي عيزاه عشان اما تتحولي تبقا كل حاجة موجودة
امنية كانت هتموت وتعيط بس مسكت نفسها وفكرت تصده ولا تستغل طيبته ف تحقيق اللي عيزاه
امنية : عايزة اكل بيتزا وجاتوه وعايزة اقعد عالشط واكل درة مشوية
دونجهي ضحك : قنوعة ما شاء الله
امنية : هترجع ف كلامك ؟
دونجهي : عيب عليكي
~~ اشترى كل اللي هي عيزاه وبعدها راح اتمشا بيها في جنينة مليانة ورد ~~
دونجهي : ياااه على جمال الطبيعة
امنية : على اساس اول مرة تيجي هنا
دونجهي : محدش فيهم (السوجو) بيحب الاماكن الهادية دي
وانا مبحبش اخرج لوحدي
امنية : منت لوحدك اهو
دونجهي : لأ انتي معايا
امنية بتتقطع اكتر , ومع مرور الساعات الدنيا ليلت
راح بيها البحر وساب الحاجات اللي اشتراها عالرمل ونزل بيها في المية شوية وفتح الكيس فخرجت منه
امنية : فاضل أد ايه؟
دونجهي : نص ساعة
امنية : ممكن تمشي انت
دونجهي هز راسه : انا هفضل هنا لحد متتحولي
فعلا فضل واقف نص رجله في المية وهي بتعوم قريب منه , كان مستني لحظتها بفارغ الصبر , يمكن هي مكانتش متلهفة للتحول زيه
واما جت الساعة 12 , فضل مبحلق فيها , لمعت زي متكون جوهرة وف لحظة بقت بنيآدمة , حتى دونجهي مكنش مستوعب , التحول حصل ف لحظة اسرع من البرق
امنية وهي بتبعد شعرها عن عنيها , لقته بيشيلها ,
اتفزعت ورفصت برجلها
امنية : حد قالك اني مكسحة
دونجهي وهو شايلها : يا باي على طولة اللسان
نزلها عالشط وقلع الجاكت حطه عليها , شال الشنط ومشي قدامها ,
امنية وهي بصاله بحزن بتحاول تداريه : قولتلك امشي انت
دونجهي : فكرك هسيبك تاكلي كل دول لوحدك؟
امنية وهي ماشية وراه : يعني ايه
دونجهي : يعني هروح معاكي بيتك
امنية جريت وقفت قدامه وبقت تشاور باديها : لالالالالا استحالة – روح بيتك
دونجهي عدا من جمبها ولا كأنه سامعها : هو كان ف انهي شارع – ده باين
امنية دبدبت برجلها بعصبية ومشيت بتأفأف لحد موصلو البيت ,

دخلت من غير متقوله اتفضل ولا حاجة راحت على اوضتها ورزعت الباب , دونجهي هز راسه (لا) وقال : مفيش فايدة فيكي
دخل وقفل الباب وراه
فتح التلاجة وحط فيها الجاتوه وطبعا لقاها مليانة شوكلاتات وعصاير , اخد عصير وقعد
امنية خرجت بعد ماغيرت هدومها
امنية قامت تتنطط من الغيظ وقعدت تشد ف رجله وهو ماتحركش فسوة , راحت ملبساه المخدة ف وشه وراحت كملت اكل وبعدها دخلت اوضتها ورزعت الباب
دونجهي فتح عينه وضحك : غبية واحدة غيرك كانت عملت فرح عشان انا عايز ابقا معاها
امنية دخلت اترمت على سريرها وابتسمت اما استوعبت انه معاها ف كل مكان وبعدين مسحت ابتسامتها وافتكرت مصيبتها , عضت على اديها من القهر ونامت معيطة
صحيت من النوم على صوته بيتكلم في التليفون
دونجهي : اه يا هيونج كنت عند ابن خالتي والوقت اتأخر وكسلت ارجع البيت فبيتت عنده - حاضر هكون في الاستوديو قبل المعاد
امنية استنت اما خلص تليفون وبعدها اتكلمت : لسة ممشيتش؟
دونجهي بابتسامة : صباح النور
امنية حطت ايدها على راسها : ارحمني
دونجهي : ناوية على ايه معايا ساعتين بس قبل مروح الشغل
امنية بوش خشب : خد الساعتين ف جيبك واتوكل

دونجهي : كان المفروض يبقا اسمك مفترية مش امنية
امنية تنحت O_O : عرفت اسمي ازاي؟!!!!!

تــآآآبعــو عشــآآن تعرفو ازاى دونغهى عرف اسمهـآ ..

(تنـويه بس صغيــر عاايزه اقول تـآنى ان مش انا اللى بكتب الروايه لاكن صديقه ليـآآ وانا بكتبت دآ فى اول كل جـزء^^)

فــى بيتنـآ سمكـه (البـآرت الرابع) الجــزء الرآبع
By. #Omnya Onesh

دونجهي : كان المفروض يبقا اسمك مفترية مش امنية
امنية تنحت O_O : عرفت اسمي ازاي
دونجهي وراها ف ايده البطاقة بتاعتها , شدتها منه
دونجهي : هتضيعي وقتك في العناد ده ولا زي الشطورة تخشي تلبسي حاجة عدلة عشان نتزفت نخرج
امنية لوت بوزها زي العيال : انا يوم ما اخرج مع واحد يبقا مينهو اوبا او شيوون اوبا
دونجهي قلع الجزمة وكان هيديها بيها وف لحظة اختفت من وشه وخرجت وهي لابسة لبس خروج
دونجهي -_- : مش قولت البسي حاجة عدلة؟
امنية : منا اتزفتت
دونجهي جابها من قفاها ورماها برة الشقة وخرج ورزع الباب وراه ,
كان لابس الكاب والنضارة والكوفية وماشي زي الحرامية
امنية : متلبس نقاب أرحم
دونجهي ضربها على راسه : اتلمي بقا
دخل محل هدوم بنات وهو شاددها من كمها ,
امنية -_- : انت ناوي تشتري لبس العيد دلوقتي؟
دونجهي شد فستان من الفساتين المتعلقة
امنية : امممم لطيف بس هييجي مقاسك؟
دونجهي وكأنه اتعود على طولة لسانها , رزع الفستان ف وشها وزقها في البروفة وقفل عليها

اما دخلت البروفة فضلت بصة للباب وبعدين بصت للفستان وعنيها دمعت , حست ان رجلها مش شيلاها وقعدت في الارض وهي حاضنة الفستان وبتعيط وكاتمة صوتها , اتأخرت جوة

دونجهي بيخبط على باب البروفة : انتي متي جوة !
خرجت وهي لابسة الفستان وبتمثل انها مش مقتنعة بيه

دونجهي قلع النضارة وبصلها وهو مذهول : منتي طلعتي بنت اهو
عقدت حواجبها وقالت بعصبية طفولية : بنت غصب عنك ومن غير الفساتين الهبلة دي
كانت هتخش البروفة تاني راح شادد اديها وقال للبنت هناخد ده – حطي هدومها التانية ف شنطة
امنية كانت بتمثل انها متضايقة ومن جواها كان قلبها هيقف من التوتر والفرحة والحزن كل مشاعرها اتلخبطت وكانت بتبصله من تحت لتحت , خايفة يشوفها وهي بتبصله ويفهم من عنيها حاجة

اخدت شنطة هدومها اللي كانت رايحة بيها واتأكدت من جيوب البنطلون
دونجهي : ايه انتي واخدة معاكي فلوس
امنية : لأ حاجة اهم من الفلوس
دونجهي : مفاتيح شقتك -_-
امنية ابتسمت بسخرية وهزت راسها (اه)
نفذ رغبتها ف انها تتمشا عالشط
دونجهي : غريبة انك عوزتي تيجي هنا – مزهقتيش من البحر؟
امنية بنبرة حزينة : عايزة ابص عليه قبل ميومي يخلص
دونجهي بنبرة فضولية : انتي فعلا حبة تعيشي في البحر اكتر من انك تبقي ف بيتنا (السوجو)؟
ابتسمتله ابتسامة خضته , كانت ابتسامة حب وعنيها كانت بتلمع
امنية : انا مبسوطة بالايام اللي قضتها هناك حقيقي – بتمنا تفضلو مع بعض بالشكل ده – خد بالك منهم ومهما كنت مخنوق متبعدش عنهم
دونجهي ضحك بتوتر : بتتكلمي كأنك بتوصيني عليهم قبل ماتمشي – كلها كام ساعة وترجعي معايا – تلاقي شيوون وحشك (خبط على راسها بهزار)
ضحكت بتصنع وهزت راسها (اه)

تليفونه رن , دونجهي : ايوة يا هيونج – اه جاي اهو
بعد ماقفل , دونجهي : عندي تصوير هخلصه واجي قبل 12
امنية هزت راسها (لا) وهي مبتسمة : متجيش
دونجهي بقلق : يعني ايه مجيش
امنية اتنهدت بحزن : ملوش لازمة تربط نفسك بيا اكتر من كده
دونجهي : مش بمزاجك احنا فعلا مربوطين بطريقة محدش فاهمها
امنية نزلت عينها في الارض وبعدين اصطنعت ابتسامة وقالتله : ماشي روح شغلك ونبقا نكمل كلام اما نتقابل
دونجهي فضل باصصلها بنظرة شك وبعدين هز راسه : ماشي لو اتأخرت عن 12 هاجي على هنا (البحر)
امنية هزت راسها : تمام

مشي كام خطوة بعيد وفجأة حس بيها بتترمي عليه تحضنه من ضهره اوي ,
اتفزع من تصرفها وجيه يلف راحت رابطة دراعتها عليه
دونجهي بتهتهة : انتي كويسة؟
امنية بصوت ثابت مصطنع : اه كويسة – مخضوض عشان حضنتك؟ انت عارفني مبخليش ف نفسي حاجة غير وبعملها
دونجهي ابتسم بكسوف : اه يعني كان نفسك تحضنيني
امنية ضحكت ودموعها بتنزل : متاخدش قلم في نفسك انا كان نفسي اجرب الحركة دي وخلاص
فكت اديها من عليه وادته ضهرها ومشيت من غير متبص وراها , لف وبصلها وهي ماشية مكنش عارف يبتسم ولا يكشر , عاجبه تفضل جمبه سمكة ولا بنيآدمة المهم تفضل معاه بس ف نفس الوقت عارف ان ده حب ميئوس منه.......

وبكـدآ يكـــون البارت الرآبع خلصـ :( والى اللقــآآء فى البـآرت الخـآمس :*


ليست هناك تعليقات:

إرسال تعليق

طريقة التحميل من المدونة

طريقة تحميل ملفات pdf من media fire والمدونة