الأحد، 9 يوليو 2017

في بيتنا سمكة (part 2)

في بيتنا سمكة (part 2)
By..#Omnya _Onesh
* وعدا اليوم ودونجهي بيحاول يتجاهل امنية اللي حاولت تستفزه اكتر من مرة وهو مطنشها لحد مهي نفسها زهقت وبطلت تكلمه *
وفي صباح اليوم #الخامس
دونجهي صحي بنشاط وقام لبس ورق نفسه وهو بيتسرح قدام المراية وبيدندن

امنية : يا صلاة العيييييييييييييد ده يوم عسسسسسسل ياريتني متحولش اليومين دول وافضل سمكة
دونجهي بيحاول يتجاهلها بس كمان عنده فضول يعرف ايه اللي مفرحها



دونجهي : واد يا شيوون – انت يا وااااااد
 شيوون خارج من اوضته
 شيوون : يا عيون الوااد
دونجهي O_O : ا انت كنت قاعد كده قدامها !!!!
شيوون : قدام مين يابني اوعا تكون اتجنيت تاني
دونجهي : احم لا ولا حاجة (راح زقه ودخل اوضته تف عالحوض وشاله يرجعه اوضته)
شيوون وش البوبي الحزين : ايه متسيبها والنبي كانت مسلياني
دونجهي بوشوشة : خلاص ياختي؟ شوفتيه وهو قالع وارتحتي
امنية وهي بتتشقلب في الحوض : هييييييح انا كده مش عايزة حاجة تاني من الدنيا
دونجهي تف في الحوض تاني
امنية : مقرف
دونجهي : انهاردة اليوم الموعود يا حلوة
وهو ماشي باصص للحوض وبيتكلم
امنية : بص قدااااااامك
خبط ف شيندونج والحوض دلدق مية على تشيرت شيندونج
شيندونج : ايه يا بني آدم مش تبص قدامك
دونجهي : معلش يا هيونج مش قصدي
شيندونج بص للحوض بنظرة شريرة : احنا هنفطر سمك ولا ايييه
 امنية : يا ماما هو بيبصلي كده ليه والنبي
دونجهي : هههههههههههههههه عجباك يا هيونج اشويهالك
امنية : يشووك مع خروف اهبل يا بعيد
دونجهي دخل رما الحوض ف اوضته وبص عالباب عشان محدش يكون سامعه : هتتحولي امتة يا حجة؟
امنية : يعني مش قبل اممممم ولا بعدها
دونجهي جاب شراب انهيوك اللي بيستعملوه ف طرد الفئران من البيت وراح ناقعه ف مية الحوض
امنية عامت ودفنت نفسها ف الرمل : ااااااااع حرام عليك
ليتوك دخل لقا دونجهي بيسقي الشراب النتن في مية السمكة
ليتوك *_*  : كخ يا بابا ارمي القرف ده من ايدك ويلا عشان المقابلة
دونجهي :D : عيوني يا هيونج انزل وانا ف ديلك
امنية : انت عندك مقابلة؟
دونجهي : اه ياختي عندك مانع
امنية : ياريت تتأخر عشان تيجي متلاقينيش
دونجهي : نص ساعة واكون لابدلك هنا

بس يــآآآترى هيرجع قبل ماامنيه تتحول ولا لاء تـآآآبعو عشــآآن تعرفو  ;)
في بيتنا سمكة (part 2) الـجزء الثانى
By..#Omnya _Onesh
نزل دونجهي المقابلة ~
وفي البيت دخل كيوهيون يقعد ف اوضة دونجهي بعيد عن دوشة السلاسل بتاعة سونجمين اللي عمال يتدرب بيها
كيوهيون بيقرا في الكتاب والسمكة بتعوم وتقف لازقة ف الازاز القريب من كيو وكأنها بتعاكسه
كيوهيون بص للسمكة وابتسم وبعدين اتنهد وقال : حتى السمكة مستغرباني – فكراني شرير زي بقيت الناس ما مفكرة – (اتنهد تاني) بس انا في الحقيقة طيب ومثقف لكن المخرجين هم اللي حصروني ف ادوار الشر
امنية : ههههههههههه يا ناسووو عليه بالنضارة
دونجهي في المقابلة وسامع امنية راح موطي راسه وهامس : اخرسي مش عارف اركز
امنية : يا ساتر نفسي ابطل اسمع صوت الغراب ده
دونجهي بيبتسم للمذيعة وبيقول من بين سنانه : غراب اما يلهفك
وعدت ساعات وبقت الساعة 12 الا ربع
امنية بتعوم في الحوض زي الدايخة : اتأخرت ليه انا خلاص حسة اني هتحول
دونجهي بيسوق عرابيته : السكة واقفة مش عارف اعمل ايه
امنية : مصيبة انا سمعاهم عاملين دوشة برة لو اتحولت هكسر الحوض وهيدخلو
دونجهي عمال يضرب كلاكس : خلاص كفاية توتر لو اتحولتي فعلا استخبي لحد ماجي
وبعد ربع ساعة ودونجهي سايق
امنية : ااااااااااااااااااااااااااا
دونجهي *_* بتوتر : بتصوتي ليه
امنية مردتش عليه
دونجهي : ردي
امنية مردتش
*وفي الشقة*
الحوض اتكسر بس محدش سمع من السوجو عشان كانو مشغلين التلفزيون بصوت عالي في الصالون
كانت امنية ممددة في الارض وهي بصة للسقف وبتتنفس اوي وهي بتقول : اه اخيرا
 سمعت صوت حد بيقرب من الاوضة قامت استخبت تحت السرير
انهيوك O_O : الحقو يا عيال حوض الواد دوني طرشق فرقع
ريووك : يا سااااتر طب بسرعة ندور عالسمكة يمكن تكون لسة حية
امنية دخلت تحت السرير اكتر وهي خايفة
دخل ييسونج وكان بيمشي حوالين السرير وفجأة وقف وامنية حسته هيوطي يبص تحت السرير
وهنا دخل دونجهي وهي بينهج : اطلعو برة
كلهم بصوله باستغراب *_*
انهيوك : والله ما حد جيه جمب الحوض هو اتكسر لوحده
دونجهي : ماشي بس اطلعو انا تعبان وعايز انام
ليتوك كمان لسة واصل : اه والنبي وانا كمان تعبت اوي يلا هاخد دش واجي اترمي حتى مش هتعشا
دونجهي بلع ريقه وهو عمال يبص في الاوضة بخوف
وبعد مخرجو وسابوه راح قافل الباب بالمفتاح
امنية طلعت من تحت السرير راح دونجهي شاهق ورجع ورا خبط في الباب
امنية : شششش هنتفضح
دونجهي وهو مبرأ وبيشاور عليها : مكنتيش بتكدبي
امنية هزت راسها بملل : امممم ممكن بقا تطلق سراحي
دونجهي كان متنحلها وسرحان
امنية حركت اديها قدام وشه : انت يا أخ
دونجهي بصدمة : انتي البنت اللي نطت في البحر قدامي
امنية : هو انت التنح اللي كان قاعد ساعتها ؟
دونجهي -_- : كنتي ارحم وانتي سمكة
امنية قعدت عالارض : هوف بقا هخرج من هنا ازاي؟
دونجهي : اظاهر مش هعرف اخرجك غير اما ينامو
ليتوك بيخبط : افتح يا حبيبي بابا عايز ينام

دونجهي وامنية O_O

ههههههههههههههههههه تــآآبعونى عشــآآن تعرفو الليـدر عمل ايه لما دخل  :O
في بيتنا سمكة (part 2) الـجزء الثالث والاخيـر
By..#Omnya _Onesh

 ليتوك بيخبط : افتح يا حبيبي بابا عايز ينام
دونجهي وامنية O_O
امنية دخلت تحت السرير تاني ودونجهي اخد نفس عميق وفتح الباب
ليتوك دخل وهو لافف الفوطة عليه ورايح يلبس
دونجهي لطم وراح شادد ملاية السرير عملها ستارة ل ليتوك
ليتوك O_o : انت عبيط يابني؟ بتسترني يعني
دونجهي -_- : احم غير وانت ساكت
امنية كاتمة ضحكتها وهي تحت السرير
ليتوك نام ودونجهي فضل قاعد على سريره لحد محس ان ليتوك راح في النوم راح موطي في الارض
دونجهي : مش بردانة؟
امنية بهمس : هموت من البرد – انت ضيعت عليا اليوم اللي بستناه كان زماني اكلت وشربت كل اللي نفسي فيه
دونجهي : سوري سوري سوري
امنية : ابو خفة دم بنت خالة مرات جوز ابن عم جدك
دونجهي : احم مقولت اسف متسوقيش فيها بقا
امنية ابتسمتله : ولا يهمك بعد التفكير انت خلتني اعيش مغامرة واشوف حاجات كنت هموت واشوفها ^_^
دونجهي -_- : اتلمي – خليكي هنا هجيبلك اكل واجي
امنية : ايووووة بقااااا وهات علبة الكوكيز اللي شيندونج اوبا مخبيها فوق دولاب المطبخ
دونجهي O_o : يا بنت الايه دنا وهيوكي بندوخ عليها
راح جاب الاكل وريووك شافه وهو داخل
ريووك : ايه يا دوني جوعت؟ اروح اسخنلك
دونجهي بتهتهة : لالالا خش انت نام انا هدبر اموري
وبعد مأمنية مسحت الاطباق
دونجهي : البواب صاحي ولو نزلتي بمنظرك ده مش بعيد يبلغ عنك
امنية : ضهري وجعني من النومة هنا – وكمان الاكل منزلش معدتي حسة اني هأع
دونجهي *_* : مش تحت سريري قومي بسرعة
امنية خرجت راح شاددها من كم التشيرت وفتح باب اوضته وخرج راسه بحذر وبعدين شدها ودخل الحمام
دونجهي : أعي هنا براحتك
امنية : خلاص نفسي اتسدت -_-
دونجهي ×_× : هديكي بالجزمة
امنية -_-
دونجهي : يلا نرجع الاوضة قبل ماحد يصحى
انهيوك بيخبط على باب الحمام : مين جوة؟
امنية اتفزعت وزقت دونجهي وقع في البانيو
انهيوك : افتح انا مزنوق بقا (ههههههههههههه بجد لا تعليق)
دونجهي طلع من البانيو ×_× : اخرس يا بتاع انا مطول خش نام
انهيوك : بقولك مزنوووووق يا مهيي
امنية بتلطم , دونجهي عبقرينو راح رماها في البانيو وقفل الستارة وبعدين راح يفتح لهيوكي وهو بيشاورلها تتكتم
دخل هيوكي وامنية في البانيو وسدة ودنها ومغمضة عنيها لحد محست بايد بتخبط على كتفها
دونجهي : خرج خلاص اطلعي
امنية ×_× : انا اتبهدلت انهاردة ويومي اتضرب حرام بقا
دونجهي : خلاص بقا معلش
جيه يفتح باب الحمام لقا ييسونج قايم يشرب راح قافل الباب وفضلو واقفين ورا الباب لحد مسمع صوت باب اوضة ييسونج اتقفل
رجعو اوضة دونجهي ونامت تحت السرير وهو فوق السرير وفضلو يتكلمو وليتوك ولا حاسس
دونجهي : الصبح كلنا نازلين عشان التدريب هسيبلك نسخة من المفتاح
اكتبيلي ورقة بعنوانك وحطيها ف دولابي عشان ابقا اجي اخد المفتاح منك
امنية : امممم طب مسيبلك المفتاح تحت الدواسة
دونجهي : لأ ممكن يتسرق وتبقا مصيبة
امنية : طيب بس افتكر اني لازم ارجع البحر قبل 12 الصبح لو اتأخرت انسا مفتاحك
وتاني يوم الصبح
ليتوك صحا الكل ودونجهي اول مصحي نزل راسه يبص تحت السرير لقاها نايمة على دراعها , ابتسم وقام لبس وكتبلها ورقة حطها جمبها ونزل مع الباقي
جت تتقلب خبطت رجلها في السرير راحت صاحية وبصت بحذر ملقتش حد راحت طالعة ولقت ورقة جمبها
الورقة مكتوب فيها : في اكل كتير ف التلاجة بس متخلصيهوش ده مال يتامى – سيبتلك ترينج صغير عليا البسيه بدل متنزلي كده
امنية ضحكت وخدت الترينج لبسته واكلت وبعدين نزلت
رجعت بيتها وخدت فلوس ونزلت اشترت حلويات واكل كتير وطلعت عالسينما شافت احدث فيلم وبعدين عالملاهي وفضلت تلعب لحد ماتعبت
واخيرا رجعت البيت بشنطة الحلويات وقعدت تاكل
كانت الساعة بقت 10
وفجأة الباب خبط , قامت تفتح لقته دونجهي ,
امنية : ادخل (سابته عالباب ودخلت تكمل اكل)
دونجهي *_* : هو انتي طول اليوم بتاكلي؟
امنية : لا روحت السيما والملاهي
دونجهي لقاها قاعدة ف وسط حقل سناكس وشوكلتات
 دونجهي بيمد ايده راحت ضرباه على ايده
دونجهي : ايه البخل ده
امنية : فاكر العذاب اللي ورتهولي؟
دونجهي عمل فيس البوبي
امنية : اتفضل -_-
دونجهي اخد واحدة ف جيبه وواحدة ف جيبه التاني وواحدة ف شرابه وواحدة ف الكاب وواحدة ف بؤه
امنية -_- : اراك تاخد من مال امك
دونجهي :D : منتي عارفة العيال عندي بيشبطو
امنية : خد مفتاحك اهو – بس انا بجد مبسوطة بالتجربة دي انا كنت فان ليكو من سنين قبل ما حياتي تتلخبط
دونجهي : وكان مين الاوبا بتاعك؟
امنية سكتت شوية وبعدين غيرت الموضوع : الساعة بقا 11 يلا ارجع بيتكو انا كمان خارجة
دونجهي : هاجي معاكي
امنية : وانا بقولك رايحة دريم بارك !!!
دونجهي : هوصلك وامشي
فكرت لثواني وبعدين هزت راسها (اه)
فعلا وصلها للشط , وهي عملتله باي بطريقة طفولية ونزلت المية لحد ماختفت
دونجهي فضل باصص للبحر وحس انه عايز يعيط , في اعمق احلامه مكنش يتخيل ان فيه حاجة كده
امنية (بعد ماقلبت سمكة) : يا ترا مشي؟
دونجهي في العرابية فرمل فجأة : تاني ؟؟؟؟؟؟
امنية : ايييييه !!!!!

دونجهي وامنية : لااااااااااااااااااااااااااااااااااااااا

يــآآآترى ليه بيقولو كـدا ومصدومين ليه ؟ انا رأيى انه ممـكن يكونو اتصدمو لما عرفو انهم لسه سامعين بعض ولسه البـآرت الثالث منزلش اول ما امنيـه تخلصه هنزله ليكـم ع طــول :*



ليست هناك تعليقات:

إرسال تعليق

طريقة التحميل من المدونة

طريقة تحميل ملفات pdf من media fire والمدونة