رحلة الى كوريا البارت الثاني عشر هذا البارت بقلم سارة سرور

توضيح هذا البارت كتبته صديقتي المذهلة سارة سرور

بعد عدة ايام ف الصباح البنات كالعاده فتحوا المطعم للزباين وابتدا اليوم عادي جدا والزباين بتيجي واحد ورا التاني والمطعم مش بيفضي من الزباين         فو: صلاة النبي أحسن شوفتوا المحل بيشغي ناس ازاي
رو:طيب بطلي أر بقي لحسن انتي اصلك فقر ونحس اصلا انتي ومو طول عمركوا فقر
مو: وايه اللي دخلني بينكوا دلوقتي انتو بتجروا شكلي وخلاص اشششششششششش
سو: ف ايه يابنات يلا روحوا كل واحده تشوف شغلها احنا هنقف نتكلم ونسيب الزباين
فو: لا طبعا احنا نحب خدمة الزباين بتوعنا
مو: انا داخله المطبخ وسيباكوا مع الناس احسنلكوا محدش يعمل مشكله فهماني يا ست فو
فو: وهو انا بعمل مشاكل لا سمح الله
مو: ابدا ابدا
رو : وده من امتي هتدخلي انتي المطبخ انتي مش ع طول رزعاني فيه وانتي بتشوفي الزباين
مو: اهو هجرب أكله جديده هعملها
رو : ربنا يستر
فو وسو يضحكوا
مو: مالك متخافيش مش هجربها ف الناس الاول هجربها فيكوا انتو هههههههههههههههه
فو: يعني هنروح المستشفي النهارده
مو:اششششششششش مالك انتي وهي انتو ناسيين اني بتعلم كل الوصفات الجديده وانتو قاعدين هنا مش فالحين ف حاجه

فو: خلاص سيبيني اتعلم مكانك انا بحب العلم اوي        
مو:ده بعينك
رو: بتتعلمي مو برضه ولا بتروحي عشان تشوفي بي                                                   سو: لا يابنات مو بتتعلم جامد وبتبزل مجهود كبير عشان تتعلم كل الوصفات خاصتا لما كيونا بيبقي موجود
مو:تبص بأشمئزاز ل سو
سو: ف ايه مو
مو: ولا حاجه سو  انا غلطانه اني باخدك معايا اصلا                                                فو: الله اقفش بقي انتي بتتعلمي و كيونا موجود                                                  رو : وبتتعلموا سوا بقي
مو:  انا بشوفه صدفه اصلا ف ايه سو واحنا بنشوف كيونا اصلا الا بالصدفه                               سو: اه صح صح ف ايه يابنات انتو ع طول تضايقوا مو كده  الا قوليلي مو هو كيونا هيجي المطعم بتاعنا امتي
رو: كيونا هيجي مطعمنا طيب مش هيجيب حد معاه                                                فو: وتقولولي صدفة رب صدفة بقة اوعي تكون صدفك زي صدف عبدوالحليم                                     بس اهم حاجة هيتشي جاي معاه ده من لما عاملني معاملة البوابين وهو ولا حس ولاخبر خلعني ابن الايه ده
سو: لا وانتي الصادقه ده سيون هو اللي جاي معاه بس شكلهم معبروناش من بعد ما مو قالت انهم قالوا هيجوا بعد ما عرضنا عليهم انهم يجوا المطعم                                                       رو: قصدك معبروهاش هي شوفي بقي لو كنت انا اللي قولتلهم كان زمانهم من تاني يوم هنا                                                  فو: اكيد رو ولا انا بقي كان زمانهم جايين معانا
مو: فو هانم وانتي يا ابله رو مش واخدين بالكوا ان ف زباين دخلت المطعم ومستنين حد يروح يشوفهم
البنات كل واحده تروح تشوف الزباين ومو تدخل المطبخ                                                    مووهي متوتره : ياتري هتنفع ولا لا وتبدأ تعمل الوصفه الجديده اللي اخترعتها والبنات بره بيشوفوا الزباين وخايفين من المصايب اللي ممكن تعملها مو ف المطبخ
فو: هي مو اتأخرت صح
رو: ربنا يستر هندبس وناكل الاكل غصب عننا                                                             سو: ايه يا بنات مو بتعمل اكل حلو انتو بس اللي بتبقوا مستغربينه عشان جديد انما هو بيبقي لذيذ
رو: بأمارة الاكله اللي بطني وجعتني بعد ما أكلتها                                                      فو: اه انتي نسيتي رو بطنها وجعتها ازاي                                                              سو: وانتي متعبتيش ل وانا كمان رو بس اللي معدتها حساسه اوي وبتتعب من اقل حاجه
فجأه  مو طلعت من المطبخ وعلامات الاستغراب ع وشها وبتبصلهم

رو: مالك مو
سو: خلصتي مو الاكله الجديده
فو: اه يابطني ياني بطني بتوجعني مقدما انا قررت اصوم ياجدعان الا مش هتصومي رو عشان ناخد ثواب سوا
رو: تصدقي بفكر ف كده
مو: ف حد بيصوم من بعد الظهر ياهانم انتي وهي ده انا عملتلكوا اكله هتاكلوا صوابعكوا وراها وهتسمعوا تصفيق حاد من معدتكوا وهي بتقول كمان                               وكان جه وقت قفل المطعم لفترة الغدا بتاعتهم وهما قاعدين وسو راحت تجيب الاكل من جوه فجأه لقوا 2 واقفين ع الباب بصوا وتنحوا                                      فو: بت يا رو هو فعلا في حد يعني واقف هنا ولا انا بحلم                                                  رو: انا مش شايفه غير واحد بس
فو: لا يابت هما 2
 رو: لا واحد بس
فو: نظرك ضعف
رو: لا ده 6ع 6  بس واحد منور ع الاخر مخليني مش شايفه حد                                               فو: يامجنونه
مو تتجه ناحية الباب وتفتح وترحب بهم
مو: اتفضلوا اتفضلوا اهلا بيكوا
كيو: اهلا بيكوياتشينجو
مو: تضجك
فو: هو انتو بقيتوا اصحاب خلاص
كيو بصلها ومردش عليها
مو: تقوله دي فو صاحبتي الاصغر هنا
سيون: اللي اضرــــــــــــــــــــــــ ومش يكمل جملته وينكسف منها ويكتم ضحكته
كيو بيضحك هي دي اللي اضريبت بالقلم الشهير                                                   فو:يااااااااااااااه ايه اضربت دي انا مبنضربش  وبعدين هو الموضوع وصل لعندك ولا انتهيتي يافو
مو: اما ايه اللي حصل يا فو
فو: انا بس سيبتها تهزر معايا شويه انا قلبي حنين                                                        مو و كيو وسيون يضحكوا عليها كل ده و رو واقفه متنحه مكانها ومش بتتحرك                      فو: تغمزها رو مالك انتي ساكته ليه كده                                                              رو ك لا مفيش بس اصل تعبانه شويه
مو: تبتسم لها ألف سلامه عليكي رو مالك                                                                    سيون : انتي تعبانه
رو: اه تعبانه اوي قلبي بيوجعني                                                                  سيون: قلبك من ايه ألف سلامه
كيو يغمز سيون ويقوله دي شكلها مسهوك ياعم سيبك منها                                      سيون: اسكت انت ع طول لسانك متبري منك كده                                                        مو: اتفضلوا اقعدوا                                                  كيو : انا جيت عشان انور المطعم بتاعكوا                                                                  مو: اكيد طبعا انت نورتنا النهارده المطعم كله تحت امرك وطبعا تحت امرك سيون شيه                                                           فو و رو يبصوا لبعض الامو مالها حنينه كده ليه                                                              فو: اصل هتجيبه منين معانا وش خشب ومع الشرير اللي زيها ملاك ما الشر لما بيجتمع مع بعضه بقي                               رو: عندك حق                                                                              سو تخرج من المطبخ وتتكلم بصوت عالي يابنات انا جهزت وتتفاجأ بوجود كيونا وسيون                                                            سو: ميانيه اهلا بيكوا نورتوا المطعم                سيون : اهلا بيكي انتي                                              رو تقوم من مكانها وتقعد قدام سيون عشان تفتح كلام معاه                                        فو: تسألهم انتو اتغديتوا                                           كيو: لا لسه                                                         رو: يبقي تتغدوا معانا وتبص ل سيون وتقوله الاكل هيعجبك اوي النهارده ــــــــتفتكر ان الاكل اللي هياكلوا الي مو عملاه ومش ضامنه هو عامل ازاي                              رو: سو تعالي نحضر الغدا قالتلها ما مو محضره كل حاجه انا يادوب وضبته                        رو: لا مش ده احنا هنعمل حاجه تانيه                      سو: ليه يابنتي                                                            رو كده وخلاص                                                              فو: ايوه يا سو اسمعي الكلام                                                     مو:  ماشي رو                                            كيو وسيون يحسوا بحاجه غريبه ويسأل سيون                                                  سيون : هو ف مشكله                                      رو: تقف قدامه وتقوله لا ابدا                                           فو: لا ده احنا هنغديكوا النهارده غدا عجب يا باشا                                                   مو: طيب ممكن بسرعه عشان نتغدا                     رو: 10 دقايق بس                                                    مو بأحباط ماشي

رو: سو تعالي نحضر الغدا قالتلها ما مو محضره كل حاجه انا يادوب وضبته                             رو: لا مش ده احنا هنعمل حاجه تانيه                      سو: ليه يابنتي                                                            رو كده وخلاص                                                              فو: ايوه يا سو اسمعي الكلام                                                     مو:  ماشي رو                                            كيو وسيون يحسوا بحاجه غريبه ويسأل سيون                                                  سيون : هو ف مشكله                                      رو: تقف قدامه وتقوله لا ابدا                                           فو: لا ده احنا هنغديكوا النهارده غدا عجب يا باشا                                                   مو: طيب ممكن بسرعه عشان نتغدا                     رو: 10 دقايق بس                                                    مو بأحباط ماشي                                              سو: روحي انتي رو وفو انا هاكل انا ومو من الاكل اللي عملته مو                        كيو: مو عملت اكل بنفسها بصلها ايه التقدم ده انا كمان عايز اجرب الاكل ده                                                 سيون: وانا كمان                                                        فر: ياصلاة العيد الالف هيقتلنا لو جرالهم حاجه رو تعالي نهرب بسرعه                             رو : ربنا يستر                                                 ويحضروا الاكل ويبص كيو وسيون و رو و فو ومتنحين لشكل الاكل O____O       وهنا ينتهي البارت واشوفكم ف البارت الجديد

تعليقات

المشاركات الشائعة من هذه المدونة

من أنت +18 ؟ للكاتبة / sweet-smile مكتملة

قربان